ჭითაწყარში, თანამედროვე სტანდარტების შესაბამისი საბავშვო ბაღის მშენებლობა მიმდინარეობს.
საქართველოს მუნიციპალური განვითარების ფონდი ჭითაწყარში, 100 ბავშვზე გათვლილ საბავშვო ბაღს აშენებს.
პროექტის ღირებულება 4 მილიონ ლარზე მეტია.
გათვალისწინებულია შიდა და გარე სივრცეების, რეკრეაციული ზონების, კომუნიკაციების, სველი წერტილების კეთილმოწყობა. ბაღი ადაპტირებული იქნება შეზღუდული შესაძლებლობების მქონე პირთათვის.
ჭითაწყარის საბავშვო ბაღის სამშენებლო სამუშაოებს საქართველოს რეგიონული განვითარებისა და ინფრასტრუქტურის მინისტრის მოადგილე, მზია გიორგობიანი, ზუგდიდის მუნიციპალიტეტის მერ მამუკა წოწერიასთან და სამეგრელო-ზემო სვანეთის სახელმწიფო რწმუნებულ გიორგი გუგუჩიასთან ერთად გაეცნო.
ჭითაწყარის გარდა ახალი საბავშვო ბაღები რუხში, დარჩელსა და შამგონაში შენდება.