ამირან გამყრელიძის განცხადებით, ამ ეტაპზე საკითხზე მუშაობა მიმდინარეობს და ორჯერადად აცრილები შეღავათებით სარგებლობას, დაახლოებით, ივლისიდან შეძლებენ.
„დღეს ვიმსჯელეთ წამახალისებელ ღონისძიებებზე. ქვეყანაში ორჯერად აცრილი 70 000 პირია. ვიმსჯელეთ, რომ მათ არ უწევდეთ სავალდებულო ტესტირება, ასევე “კომენდანტის საათის” შემსუბუქებაზე თუ იქნება საუბარი, პირველ რიგში, ეს შემსუბუქება ორჯერადად აცრილებს შეეხება.
ბიზნესთან იქნება შეხვედრები და შესაძლოა, ეს იყოს საჯარო-კერძო თანამშრომლობის ერთ-ერთი საუკეთესო მაგალითი. ასევე პრემიერმა დიდ სამედიცინო ქსელებს მისცა დავალება, რომ ვაქცინაციის პროცესში აქტიურად ჩაერთონ. ეს ყველაფერი ივლისის პირველ 10 დღეში მზად უნდა იყოს“, – განმარტა ამირან გამყრელიძემ.