რუსთაველის გამზირზე, პარლამენტის წინ დღეს 18:00 საათზწ “საყოველთაო სახალხო შეკრება” გაიმართება.
მთავარი გზავნილი იქნება: მამული, ენა, სარწმუნოება, ევროპისკენ ღირსებით სვლა, ეროვნული პოლიტიკა და სუვერენიტეტი.
“ქართული ოცნების” აღმასრულებელი მდივნის, მამუკა მდინარაძის ინფორმაციით, შეკრებაზე სიტყვით გამოსვლები 20:00 საათიდან არის დაგეგმილი. გამომსვლელებს შორის იქნებიან პოლიტიკოსები და “ქართული ოცნების” ახალგაზრდული ორგანიზაციის წარმომადგენლები.
რუსთაველის გამზირზე ხალხს სიტყვით მიმართავს “ქართული ოცნების” საპატიო თავმჯდომარე ბიძინა ივანიშვილი.