პოლონეთში, ინკასატორების დაყაჩაღებაში ეჭვმიტანილი საქართველოს ოთხი მოქალაქე დააკავეს. ქალაქ პოზნანის პოლიციის ინფორმაციით, ქართველების დაჯგუფება 2018 წლიდან ჩადიოდა დანაშაულს. საერთო ჯამში ზარალი ხუთ მილიონ ზლოტს აღწევს. დამნაშავეების დაკავებაში პოლონელ სამართალდამცველებს ქართული მხარე ეხმარებოდა.
“გამოძიების მსვლელობისას პოზნანის პოლიციას მნიშვნელოვანი დახმარება აღმოუჩინა პოლიციის ატაშემ, პოლკოვნიკმა გიორგი გამსახურდიამ, რომელმაც შეაგროვა ბევრი ღირებული ინფორმაცია და გადასცა პოზნანის კრიმინალურ პოლიციას”, – ვკითხულობთ პოზნანის პოლიციის განცხადებაში. ბრალდებულებს ოც წლამდე პატიმრობა ემუქრებათ.