ღამის განმავლობაში მოსულმა ძლიერმა წვიმამ, მესტიის მუნიციპალიტეტის სხვადასხვა ტერიტორიულ ერთეულებში შიდა სასოფლო გზები, ხიდები და საგზაო ინფრასტრუქტურა დააზიანა,
ძლიერმა წვიმამ მულახის ადმინისტრაციულ ერთეულში, “ხერაში“-ს ღელეს ადიდება გამოიწვია, რამაც სოფელ ჭოლასთან დამაკავშირებელი საავტომობილო გზა დააზიანა. ადგილზე მუშაობს მძიმე ტექნიკა და ინტენსიურ რეჟიმში მიმდინარეოსბ გზის გაწმენდითი სამუშაოები.
უხვმა ნალექმა ასევე დააზიანა მულახი და მუჟალის ადმინისტრაციულ ერთეულების დამაკავშირებელი საავტომობილო გზა, სადაც ტრანსპორტით გადაადგილება ნაწილობრივ პარალიზებულია. ამ დროსითვის მიმდინარეობს გაწმენდითი სამუშაოები.
წვიმის შედეგად მესტიის მუნიციპალიტეტის ლენჯერის ტერიტორიულ ერთეულში “კაერის” ღელე ადიდდა, რამაც საფრთხე შეუქმნა საგზაო ინფრასტრუქტურას. ადიდებულმა ღელემ დროებით შეაფერხა საგზაო მოძრაობა, თუმცა დროული რეაგირების შედეგად საგზაო მოძრაობის აღდგენა მალევე გახდა შესაძლებელი.
სტიქიის ადგილებში, იმყოფება მესტიის გამგებელი, კაპიტონ ჟორჟოლიანი შესაბამის სამსახურების წარმოამდგენლებთან ერთად. გამგეობაში შექმნილია საგანგებო შტაბი. ამ დროისთვის სტიქიის ზონებში მიმდინარეობს სალიკვიდაციო სამუშაოები.