სახელმწიფო უსაფრთხოების სამსახურის უფროსად ანრი ოხანაშვილი დაინიშნება. ოხანაშვილის კანდიდატურა პრემიერ-მინისტრმა, ირაკლი კობახიძემ მთავრობის ადმინისტრაციაში გამართულ ბრიფინგზე წარადგინა.
ის სუსის უფროსის თანამდებობაზე გრიგოლ ლილუაშვილს შეცვლის.
ანრი ოხანაშვილი არის პოლიტიკური პარტიის „ქართული ოცნება – დემოკრატიული საქართველოს“ წევრი. სხვადასხვა დროს იყო საქართველოს მე-9 და მე-10 მოწვევის პარლამენტის წევრი. საქართველოს პარლამენტის იურიდიულ საკითხთა კომიტეტის თავმჯდომარე. საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის წევრი. საპარლამენტო უმრავლესობის მიერ არჩეული საპროკურორო საბჭოს წევრი.