საქართველოში B ჰეპატიტის მართვის სახელმწიფო პროგრამა დაიწყო.
პირველ ეტაპზე, პაციენტები ტესტირებასა და დიაგნოსტიკას გაივლიან, მკურნალობას კი სექტემბრიდან დაიწყებენ. სერვისი უფასოა.
პაციენტებს B ჰეპატიტის სამკურნალო მედიკამენტები უსასყიდლოდ გადაეცემათ. პროგრამის ბენეფიციარებს კომისია გამოავლენს. ესენი იქნებიან პირები, რომლებსაც ქრონიკული ინფექცია აქვთ, ან ქრონიკული B ჰეპატიტი აქვთ დადგენილი და ანტივირუსულ მკურნალობას გადიან.
პროგრამაში ამ ეტაპზე, ქვეყნის მასშტაბით, ჩართულია 15-მდე სამედიცინო დაწესებულება.