ჩეჩნეთის რესპუბლიკის პრეზიდენტი, რამზან კადიროვი დასავლეთს “მკაცრი სანქციებით” ემუქრება და ვადას თებერვლის ბოლომდე აძლევს.
“ამ კომედიის მიუხედავად, დრო მოვიდა შური მკაცრად ვიძიოთ და ზომები უნდა იყოს სარკისებური. შედარებისთვის ასე უნდა გამოიყურებოდეს – თავის განცხადებებზე უარი უნდა თქვან დიდი ბრიტანეთის პრემიერმინისტრმა ბორის ჯონსონმა და საგარეო საქმეთა მინისტრმა ლიზ ტრასმა, ევროკომისიის პრეზიდენტმა ურსულა ფონ დერ ლაიანმა, საგარეო უწყების უმაღლესმა წარმომადგენელმა ჟოზეფ ბორელმა. წინააღმდეგ შემთხვევაში ჩეჩნეთის რესპუბლიკა იტოვებს უფლებას შემოიღოს შემდეგი სანქციები – დახუროს ჩეჩნეთის ცა მათი თვითმფრინავებისთვის; გაიყინოს ჯონსონის რუსული აქტივები ჩეჩნეთის ბანკებში; ემბარგო დაუწესდეს ბრიტანელის ოლიგარქების აქტივები აჩხოი-მართანში, ვითარების გაუარესების შემთხვევაში კი სამაშკახშიც”, – წერს კადიროვი.