უხვი ნალექის გამო ლენტეხი-ცაგერი-ქუთაისის ცენტრალურ საავტომობილო გზაზე მეწყრული პროცესები განვითარდა. დროებით ჩაიკეტა სატრანსპორტო მოძრაობა.
“რუსთავი 2”-ის ცნობით, გაწმენდითი სამუშაოები დილიდან დაიწყო. ამ დროისთვის გასუფთავებულია სტიქიის ზონის ხუთივე წერტილი. აღდგა მაღალი გამავლობის ავტოტრანსპორტის მოძრაობა.
შესაბამისი სამსახურები დაზიანებულ უბნებზე ელექტროენერგიის აღდგენით სამუშაოებს ატარებენ. სავარაუდოდ, დღის ბოლომდე ელექტროენერგიის მიწოდება აღდგება.