პროკურატურა სააპელაციო სასამართლოში ასაჩივრებს სენაკის რაიონული სასამართლოს განაჩენს, რომლითაც, ერთ-ერთი სოფლის დირექტორი და მასწავლებლები, რომელთაც პირადი ცხოვრების ამსახველი კადრების გავრცელებაში ედებოდათ ბრალი, უდანაშაულოდ ცნეს.
საუბარია ერთ-ერთი მასწავლებლის პირად ცხოვრებაზე და ჩანაწერზე, რომელიც გამოძიების ინფორმაციით, მასწავლებლებმა ერთმანეთში გაავრცელეს. აღადგენენ თუ არა ბრალდებულ მასწავლებლებს თანამდებობებზე, სკოლის ამჟამინდელ დირექტორს ამ კითხვაზე პასუხი ჯერ არ აქვს.
“როგორც სამართლებრივი გადაწყვეტილება იქნება, იმის მიხედვით იმოქმედებს სკოლა, არაფერი სხვანაირი უფლება სკოლას არ აქვს. სამართლებრივი გადაწვეტილების შესაბამისად იმოქმედებს სკოლა. ისინი სასამართლოს გადაწყვეტილების საფუძველზე გათავისუფლდნენ 2022 წლის 16 აგვისტოს,” – ამბობს სკოლის დირექტორი.