აქციის მონაწილეები პარლამენტის შენობის ალყაში მოქცევას იწყებენ.
შესაბამისი ნაბიჯის შესახებ აქციაზე განცხადება “სტრატეგია აღმაშენებლის” ლიდერმა გიორგი ვაშაძემ გააკეთა, რასაც მომიტინგეები ხელის აწევით დაეთანხმნენ.
“ჩვენ გთავაზობთ შემდგომი ნაბიჯის გადადგმას: მშვიდობიანად და წყნარად, ორივე მხრიდან დავიძრათ პარლამენტის გარეშემო და მოვაქციოთ ალყაში პარლამენტი, რომელიც გეკუთვნით თქვენ. ეს გავაკეთოთ მშვიდობიანად. მოვუწოდებთ პოლიციას, არ დაუპირისპირდეთ მშვიდობიან მომიტინგეებს”, – განაცხადა ვაშაძემ.