“Check in Georgia” წარმოგიდგენთ ფესტივალს “ბაღია ჩვენი ქვეყანა”, რომლის ფარგლებშიც თბილისური ფოლკლორული ანსამბლები კონცერტებს მართავენ რეგიონებში.
კულტურისა და სპორტის სამინისტროს ინფორმაციით, ფესტივალის ფარგლებში, დღეს, მესტიაში, 18:00 საათზე, სვანეთის ისტორიისა და ეთნოგრაფიის მუზეუმში, სოლო კონცერტს გამართავს ანსამბლი “ადილეი”.
კონცერტში მონაწილეობას მიიღებს მესტიის ფოლკლორის სახელმწიფო ცენტრის წარმომადგენლობის სალოტბარო სკოლის მოსწავლეთა გუნდი.
კონცერტზე დასწრება თავისუფალია
ფესტივალი ხორციელდება ტურიზმის ეროვნული ადმინისტრაციისა და საქართველოს კულტურისა და სპორტის სამინისტროს მხარდაჭერითა და საქართველოს ფოლკლორის სახელმწიფო ცენტრის ორგანიზებით.
ფესტივალის ფარგლებში საქართველოს 30 მუნიციპალიტეტში ექვსი თბილისური ანსამბლი ჩაატარებს კონცერტებს.
მონაწილეობენ ანსამბლები:
ადილეი, ანჩისხატი, დიდგორი, იალონი, ნანინა, შავნაბადა
კონცერტები გაიმართბა მუნიციპალიტეტებში:
ზესტაფონი, კასპი, ყვარელი, ბორჯომი, მცხეთა, ბოლნისი, საჩხერე, დუშეთი, ფოთი, წალენჯიხა, მესტია, სამტრედია, ქუთაისი, ბაღდათი, ცაგერი, ლენტეხი, ლანჩხუთი, ქობულეთი, ახალქალაქი, ონი, ამბროლაური, ჩოხატაური, ოზურგეთი, დედოფლისწყარო, ქედა, ბათუმი, გორი, თელავი, ხულო, შუახევი.