ტურისტულ ზონებში წყალმომარაგების სისტემის მასშტაბური სამუშაოები გრძლედება. მესტიაში მიმდინარე წყლის გამწმენდი ნაგებობის მშენებლობის პროცესს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანიის დირექტორი, ეკატერინე გალდავა და მოადგილე, ირაკლი ურუშაძე ადგილზე გაეცნენ.
თანამედროვე სტანდარტების შესაბამისი ობიექტი მესტიაში მცხოვრებ 3000-მდე ადამიანსა და იქ ჩასულ ტურისტებს უწყვეტი, ხარისხიანი წყალმომარაგებით უზრუნველყოფს.
პროექტის ფარგლებში აშენდა რეზერვუარები და წყლის მაგისტრალური მილსადენი. გაერთიანებული წყალმომარაგების კომპანიის ინფორმაციით, ამ დროისთვის, სამუშაოების 90% შესრულებულია.
უწყების განცხადებით, საკურორტო ზონაში წყლის ინფრასტრუქტურის მოწესრიგება, ხელს შეუწყობს ქვეყნის ტურისტული პოტენციალის გაზრდას და ადგილობრივი ბიზნესის განვითარებას.
სამუშაოები აზიის განვითარების ბაკმა 21 956 496 ლარით დააფინანსა. პროექტის ფარგლებში 100-მდე ადგილობრივი მოსახლე დასაქმდა. სამუშაოების დასრულება მიმდინარე წლის ბოლოს იგეგმება.