მიხეილ სააკაშვილის პირადი ექიმის, ნიკოლოზ ყიფშიძის განცხადებით, ციხის ადმინისტრაციამ რეანომობილი მიიყვანა და ექსპრეზიდენტის ჯანმრთელობის მდგომარეობის გაუარესების შემთხვევაში, მას დახმარებას დაუყოვნებლივ აღმოუჩენენ.
„ჯანმრთელობის მდგომარეობა ისევ ისეთია როგორც წინა დღეს. რაღაც-რაღაცები ცოტა უკეთესი იყო, რაღაც-რაღაცები უარესი. ტესტები გავუკეთეთ მთელი რიგი და ამან წაიღო დრო. ნინო ლომჯარია იყო, ვილაპარაკეთ რამდენიმე საათი მისი ჰოსპიტალიზაციის შესახებ. ჰოსპიტალიზაციაზე არის თანახმა, მაგრამ პრობლემაა, სად, როგორ და როდის. ალბათ უკვე ხვალ შეიძლება ვიფიქროთ მის ჰოსპიტალიზაციაზე, მაგრამ სად, ეს ისევ კითხვაა. აქ არის მთელი რიგი პრობლემები, გადაყვანაზე, პირველ რიგში ეს არის უსაფრთხოება, უსაფრთხოების ექსპერტები თვლიან, რომ უსაფრთხო გარემო არ იქნება. სამედიცინო ტესტების შედეგები ცნობილია, დამაკმაყოფილებელია. მედიკამენტებს, რასაც იღებდა, იმას იღებს“ – განაცხადა ნიკოლოზ ყიფშიძემ.
შეგახსენებთ, რომ რუსთავის №12 პენიტეცნიურ დაწესებულებაში მიხეილ სააკაშვილი უკვე 22-ე დღეა შიმშილობს.