თბილისში, რუსთაველის გამზირზე საპროტესტო აქცია მიმდინარეობს. მოქალაქეთა და პოლიტიკოსთა ნაწილი დღეს ისევ საკანონმდებლო ორგანოსთან შეიკრიბა, ნაწილი კი რუსთაველზე მსვლელობით მივიდა.
დემონსტრანტების მოთხოვნა უცვლელია – დაკავებულების გათავისუფლება და ახალი არჩევნები.
აქციის მონაწილეებს სხვადასხვა წარწერებით ბანერები – „რუსეთი ჩვენი საერთო მტერია“, „ახალ და სამართლიან არჩევნებს ვითხოვთ“, „სიტყვის თავისუფლება არ დათმო“, „თავისუფლება მზია ამაღლობელს და რეჟიმის ყველა ტყვეს“ – უჭირავთ.
ამ წუთებში ქვეყნის მთავარი გამზირი გადაკეტილია.