კოკისპირულმა წვიმამ სამეგრელო-ზემო სვანეთის რამდენიმე მუნიციპალიტეტში პრობლემები შექმნა. ადიდებულმა მდინარეებმა საკარმიდამო ნაკვეთები და სავარგულები დატბორეს.
ხობის მუნიციპალიტეტში, ადიდებულმა მდინარე ხობმა, მოსახლეობის საკარმიდამო ნაკვეთები და სავარგულები დატბორა. ადიდებულმა წყალმა სატვირთო მანქანა მიიტაცა. მძღოლის გადარჩენა სამაშველო სამსახურის დახმარებით მოხერხდა. არსებულ ვითარებას სამეგრელო-ზემო სვანეთის გუბერნატორი და მუნიციპალიტეტის გამგებელი.
ჩხორწყუს მუნიციპალიტეტში კი ადიდებულმა მდინარეებმა და ღელეებმა შიდა საუბნო გზები ჩამორეცხეს. სოფელ ნაკიანში, რამდენიმე ადგილას მეწყერია ჩამოწოლილი, რის გამოც სოფლის ცენტრალურ გზაზე მოძრაობა შეზღუდულია. ამ წუთებში მიმდინარეობს გზის გაწმენდითი სამუშაოები.
მდინარე ,,ზანას” ადიდების გამო მწყობრიდანაა გამოსული ჩხოროწყუ-ახუთის დამაკავშირებელი საავტომობილო ხიდი. ამ დროისთვის, ამ მონაკვეთზე მოძრაობა აკრძალულია.
ძლიარმა წვიმამ პრობლემები შექმნა წალენჯიხის მუნიციპალიტეტშიც, ფახულანის ადმინისტრაციული ერთეულის ქალაღალის უბანში, შიდა გზა დაიმეწყრა. ადიდებულმა ღელემ სოფელ ობუჯში ხიდბოგირი დააზიანა და სავარგულები დატბორა, საკარმიდამო ნაკვეთები დაიტბორა სოფელ ლიაშიც, ადიდებულმა მდინარემ კი სოფელ ნაგურუში გაბიონები დააზიანა.
ზუგდიდის მუნიციპალიტეტის 6 სოფელში ძლიერი წვიმის გამო შიდა გზები ჩამოირეცხა. სოფელ ჭითაწყარში არსებულმა სანიაღვრეებმა ვერ გაატარეს უხვი ნალექი, რის გამოც მიმდებარე ტერიტორია დაიტბორა. ჭითაწყარში სანიაღვრე სისტემის მოწყობა მიმდინარეობს.
უხვი ნალექის შედეგად კერძო სახლების ეზოები და მიმდებარე ტერიტორია დაიტბორა ქალაქ ზუგდიდშიც. უხვი ნალექის გამო საკარმიდანო ნაკვეთები და სავარგულები დაიტბორა მარტვილის მუნიციპალიტეტის სოფელ ტალერშიც.
„ენერგო-პრო ჯორჯიას“ ინფორმაციით, ამ დროისთვის ჩხოროწყუს მუნიციპალიტეტის ოთხ ხოფელს, ასევე წალენჯიხის სოფელ ეწერის და მარტვილის სოფელ კურზუს აბონენტთა ნაწილს ელექტრო ენერგია არ მიეწოდება. მათივე ცნობით, მობილური ჯგუფები აღდგენით სამუშაოებს აწარმოებენ ელექტრომომარაგება დღის ბოლომდე აღდგება.
სამეგრელო-ზემო სვანეთის გუბერნატორის ადმინისტრაციის ინფორმაციით, ყველა პრობლემურ მუნიციპალიტეტში მუშაობს ზარალის დამთვლელი სპეციალური კომისია, არსებულ ვითარებას ადგილზე ეცნობიან მუნიციალიტეტების გამგებლები.
