ეუთო-ს საპარლამენტო ასამბლეის 25-ე, ყოველწლიური სესია, რომელიც 1-5 ივლისის ჩათვლით საქართველოში მიმდინარეობდა, თბილისის დეკლარაციის მიღებით და ასამბლეის ხელმძღვანელი პირების არჩევით დასრულდა.
არჩევნების მეორე ტურში, ხმათა უმრავლეოსობით, ეუთო-ს საპარლამენტო ასამბლეის პრეზიდენტი ავსტრიელი კრისტინა მუტონენი გახდა. მას 86-მა დელეგატმა დაუჭირა მხარი, ხოლო გიგი წერეთელს კი 73-მა.
ახალი პრეზიდენტი ეუთო-ს საპარლამენტო ასამბლეას ერთი წლის განმავლობაში უხელმძღვანელებს.
გიგი წერეთელი რჩება ეუთო-ს საპარლამენტო ასამბლეის ვიცე-პრეზიდენტად მომავალი ორი წლის განმავლობაში.
ასამბლეის პრეზიდენტობაზე კენჭს იყრიდნენ ავსტრიელი კრისტინა მუტონენი, რომელიც “სოციალისტურმა პარტიამ” დაასახელა, დამოუკიდებელი კანდიდატი, ფრანგი ალან ნერი და გიგი წერეთელი, რომელიც კანდიდატად “ევროპის სახალხო პარტიამ” წარადგინა.