უკრაინას და მოლდოვას ევროკავშირის წევრობის კანდიდატის სტატუსი მიენიჭა.
ევროპულმა პარლამენტმა 529 ხმით 45-ის წინააღმდეგ მხარი დაუჭირა რეზოლუციას უკრაინისა და მოლდოვისთვის ევროკავშირის წევრობის კანდიდატის სტატუსის მინიჭების შესახებ.
რეზოლუციის ტექსტში საქართველოც არის ნახსენები და ნათქვამია, რომ ისიც უნდა გახდეს კანდიდატი, მას შემდეგ რაც ის დაასრულებს აუცილებელი რეფორმების გატარებას.
ამასთან, ევროპარლამენტი რეზოლუციაში აცხადებს, რომ არ უნდა იყოს არანაირი „სწრაფი გზა“ ევროკავშირში წევრობისთვის.
„წევრობა უნდა მიენიჭოს მხოლოდ დამსახურების საფუძველზე და მხოლოდ მას შემდეგ, რაც კრიტერიუმების შესრულება მოხდება.
ევროკავშირის გაფართოება მის პირად ინტერესებში შედის“,- ნათქვამია რეზოლუციის ტექსტში.