მეწყერი, ღვარცოფი და შტორმი – საქართველოში არამდგრადი ამინდია მოსალოდნელი

უახლოესი დღეების განმავლობაში საქართველოში არამდგრადი ამინდია მოსალოდნელი​.

გარემოს ეროვნული სააგენტოს ინფორმაციით, 21-22 სექტემრამდე საქართველოში მოსალოდნელია წვიმა ელჭექით, ზოგან ძლიერი. ასევე მოსალოდნელია ჰაერის ტემპერატურის დაკლება.

სინოპტიკოსები დასავლეთის მიმართულების ძლიერი ქარს ვარაუდობენ, მათივე ინფორმაციით, შესაძლებელია სეტყვა, ხოლო ზღვაზე 3-4 ბალიანი ღელვა.

22 სექტემბერს ღამის საათებში მაღალმთიან რაიონებში ზოგან შესაძლებელია თოვლჭყაპი.

გარემოს ეროვნული სააგენტოს ინფორმაციით, მოსალოდნელმა ძლიერმა ნალექებმა შესაძლებელია საქართველოს პატარა მდინარეებზე წყალმოვარდნები, ხოლო ქვეყნის მთიან ზონებში მეწყრულ – ღვარცოფული პროცესების ჩასახვა – გააქტიურება გამოიწვიოს.

კომენტარები

დატოვე კომენტარი