საგანგებო სიტუაციების მართვის სამსახურის ინფორმაციით, ზუგდიდში, რევაზ თაბუკაშვილის ქუჩაზე მდებარე საცხოვრებელ სახლში ძლიერი დაკვამლიანება და ღია ცეცხლი შეინიშნებოდა.
მისამართზე 5 სახანძრო-სამაშველო ჯგუფი გამოცხადდა და დაიწყო ხანძრის ქრობის სამუშაოები.
უწყების ცნობით, არსებობდა ცეცხლის გავრცელების საფრთხე, თუმცა მეხანძრე-მაშველებმა ხანძრის დროული ლოკალიზება მოახერხეს.
ამ დროისთვის, ადგილზე მიმდინარეობს სალიკვიდაციო სამუშაოები.
ხანძრის შედეგად არავინ დაშავებულა.