მთავრობის გადადგომის მოთხოვნით თბილისში ორ ლოკაციაზე აქცია მინდინარეობს. მონაწილეები მედიაზე მომხდარ ფიზიკურ ძალადობას აპროტესტებენ და აცხადებენ, რომ “ამ ქვეყანაში მთავრობა მედიას კლავს”.
აქციის მონაწილეები მთავრობას პრემიერ-მინისტრის გადასაყენებლად დროს ხვალ, 12:00 საათამდე აძლევენ. შესაბამისი განცხადება პარლამენტთან აქციაზე გაკეთდა.
„მთავარი“ არხის დირექტორის ნიკა გვარიამიას თქმით, თუ ხვალ 12:00 საათამდე ხელისუფლების სრული შემადგენლობა პრემიერ – მინისტრის მეთაურობით და სუს-ის ხელმძღვანელი არ გადადგება, პარლამენტის წინ ხვალ 18:00 საათზე აქცია კვლავ გაიმართება. „ჩვენ მივეცით ვადა ხელისფულებას ხვალ 12:00 საათამდე, ჩვენთვის მისაღები გადაწყვეტილება ერთადერთია და ეს არის მთავრობის სრული შემადგენლობით გადადგომა პრემიერი ღარიბაშვილის მეთაურობით და სუსი ხელმძღვანელის ლილუაშვილის გადადგომა. აღნიშნული მოთხოვნა თუ არ იქნება შესრულებული ხვალ, ვიკრიბებით ისევ აქ 18:00 საათზე“, – განაცხადა გვარამიამ.