„ქართული ოცნება-დემოკრატიული საქართველოს“ ზუგდიდის მერობის კანდიდატი მოსახლეობასთან შეხვედრებს განაგრძობს. გიორგი შენგელია გამსახურდიას ქუჩის მცხოვრებლებს შეხვდა.
,,მე 38 წელია ვცხოვრობ ზუგდიდში, ჩემს ოჯახთან ერთად, ძალიან კარგად ვიცნობ ზუგდიდის მუნიციპალიტეტს, თითოეულ სოფელს და კარგად მესმის ჩვენი მოსახლეობის რთული ცხოვრება და საჭიროებები. მე ვგრძნობ ვალდებულებას და პასუხისმგებლობას ჩემი და თქვენი შვილების წინაშე, სწორედ ამიტომ, ჩემი მიზანია, რომ ქალაქს და მუნიციპალიტეტს ღირსეულად ვემსახურო უკეთესი მომავლისთვის“, – განაცხადა შეხვედრაზე გიორგი შენგელიამ.
გიორგი შენგელია, ასევე, წინასაარჩევნო კამპანიის ფარგლებში რუსთაველის ქუჩის მცხოვრებლებს შეხვდა. კანდიდატმა ადგილობრივებს მუნიციპალიტეტში განსახორციელებელი პროექტები წარუდგინა.