4 წლის გოგონას გარდაცვალების საქმესთან დაავშირებით, სოციალური პროგრამების დეპარტამენტის უფროსმა თანამდებობა დატოვა, 4 სოციალური მუშაკი კი გაათავისუფლეს.
ჯანდაცვის მინისტრის მოადგილემ შიდა აუდიტის მოკვლევის შედეგები მედიას გააცნო. თამარ ბარკალაიას განცხადებით, ბავშვის გარდაცვალების საქმესთან დაკავშირებით გამოიკვეთა სოციალური სამსახურის მუშაკების პასუხისმგებლობის საკითხი.
4 წლის გოგონა, თბილისში, კერძოდ, სანზონაში მდებარე ერთ-ერთ საცხოვრებელ სახლში გარდაცვლილი გასულ კვირას იპოვეს. დაკავებულია ბავშვის დედა. საგამოძიებო უწყება დაკავებულს ნაკლებად მძიმე დანაშაულს, ოჯახის წევრის მიმართ შემაკავებელი ორდერის დარღვევას ედავება.