ელექტრონული მუსიკის ფესტივალი “Gem fest”- 2016 ჰოლანდიელმა არტისტმა და მსოფლიოში ცნობილმა რემიქსერმა ფედე ლე გრანდმა დახურა.
„Gem fest” ხუთი დღის განმავლობაში ანაკლია-განმუხურის საკურორტო ზონაში წარმატებით მიმდინარეობდა. მსოფლის სხვადასხვა ქვეყნებიდან ათასობით მელომანების წინაშე ისეთი ცნობილი არტისტები წარსდგნენ, როგორიცაა პოლ კალკბრენერი და ფედე ლე გრანი. ფესტივალის ფარგლებში, ღია ცის ქვეშ განთავსებულ ხუთ საცეკვაო სცენაზე უცხოელ დიჯეებთან ერთდ ქართველმა მუსიკოსებმაც დაუკრეს.
ანაკლიასა და განმუხურში საფესტივალოდ ინფრასტრუქტურა მოეწყო, განთავსდა ბარები, კვების და გართობის ობიექტები, თანამედროვე, ლაზერული განათება მოეწყო ანაკლიის ხიდზე. გაშენდა კარვების ქალაქი. “Gem Fest”-ის გამო ანაკლიასა და განმუხურში რამდენიმე სასტუმროს გადაიარაღება მოხდა და აშენდა ერთი სასტუმრო.
ფესტივალის ორგანიზატორის გიორგი სიგუას განცხადებით, “Gem Fest”-მა ხელი შეუწყო საერთაშორისო დონეზე ქვეყნის იმისჯის ამაღლებას, ადგილობრივების დასაქმებას, შემოსავლების ზრდას და ეკონომიკის განვითარებას. გიორგი სიგუამ პრემიერ-მინისტრს გიორგი კვირიკაშვილს და სამეგრელო-ზემო სვანეთის მხარეში სახელმწიფო რწმუნებულს – გუბერნატორ ლევან შონიას მხარდაჭერისთვის მადლობა გადაუხადა და აღნიშნა, რომ არა მათი მხარდაჭერა ფესტივალი ვერ ჩატარდებოდა
მომავალ წელს “Gem Fest” 1 თვიანი იქნება.