არასრულწლოვანის მძევლად ხელში ჩაგდების ბრალდებით დაკავებული ქალი წინასწარი პატიმრობიდან გათავისუფლდა

ზუგდიდში, არასრულწლოვანის მძევლად ხელში ჩაგდების ბრალდებით დაკავებული ე.კ. პროკურატურამ წინასწარი პატიმრობიდან გაათავისუფლა. მისი მეუღლე ვ.ა. კი ამ დრომდე პატიმრობაში რჩება. როგორც ცოლ-ქმრის ადვოკატმა ბაჩუკი ყურაშვილმა “Newsportal.ge”-ს განუცხადა, პროკურატურამ ე.კ.-ს წინასწარი პატიმრობიდან გათავისუფლების გადაწყვეტილება იმ გარემოების გამო მიიღო, რომ მას მცირეწლოვანი შვილი ჰყავს.

მისივე ინფორმაციით, ცოლ-ქმრის მიმართ აღმკვეთ ღონისძიებაზე ზუგდიდის სასამართლო ხვალ იმსჯელებს.

შეგახსენებთ, რომ ე.კ.-ს და ვ.ა.-ს არასრულწლოვანის მძევლად ხელში ჩაგდება ედებათ ბრალად, რაც 9-დან 14 წლამდე პატიმრობას ითვალისწინებს.

კომენტარები

დატოვე კომენტარი