ტრანსნაციონალური თაღლითური ქოლ-ცენტრების საქმეზე, დაკავებულ 7-ვე პირს აღკვეთის ღონისძიების სახით, თბილისის საქალაქო სასამართლომ პატიმრობა შეუფარდა.
აღნიშნული გადაწყვეტილება მოსამართლე ალექსანდრე იაშვილმა მიიღო.
ცნობილია, რომ დაკავებულები ბრალს არ აღიარებენ, ხოლო ბრალდების მხარე აცხადებს, რომ საქმეში მტკიცებულებათა სტანდარტი საკმაოდ მაღალია.
შეგახსენებთ, ტრანსნაციონალური თაღლითური ქოლ-ცენტრების წინააღმდეგ ევროპელ კოლეგებთან ერთად მიმდინარე გამოძიების ფარგლებში, 3 თებერვალს, საქართველოს პროკურატურამ თაღლითური ქოლ-ცენტრების მოწყობისა და ორგანიზების ბრალდებით, ორგანიზებული დანაშაულებრივი ჯგუფის 7 წევრი დააკავა.