„ევროპულმა საქართველომ“ “ერთიან ნაციონალურ მოძრაობასთან” საპრეზიდენტო არჩევნებთან დაკავშირებით შეთანხმება გააფორმა, რომელიც არჩევნების მეორე ტურის შემთხვევაში ამ ტურში გადასული ერთმანეთის საპრეზიდენტო კანდიდატის მხარდაჭერას გულისხმობს.
ამის შესახებ “ევროპული საქართველოს” ერთ-ერთი ლიდერი გიგი უგულავა სოციალურ ქსელში წერს.
“მეგობრებო, დღეს საღამოს ბრიუსელში, ევროპის სახალხო პარტიის (EPP) პრეზიდენტ ჯოზეფ დოულთან ერთად, ხელი მოვაწერეთ შეთანხმებას ენმ-სთან 3 ძირითად პუნქტზე:
1. მხარს დავუჭერთ მეორე ტურში გასულ ერთმანეთის საპრეზიდენტო კანდიდატებს (რომელიც გავა);
2. კამპანიის დროს თავს შევიკავებთ ერთმანეთზე შეტევის და კრიტიკისგან;
3. არჩევნების პირველ და მეორე ტურებში მაქსიმალურად მოვახდენთ ამომრჩევლის მობილიზებას, რადგან არჩევნებია ხელისუფლების შეცვლის გზა”, – ნათქვამია ინფორმაციაში.