„ქართული ოცნება – დემოკრატიული საქართველოს“ ხობის მერობის კანდიდატი გოჩა ქაჯაია, მოსახლეობასთან შეხვედრებს განაგრძობს.
მერობის კანდიდატი სოფლების – პირველი მაისისა და ხამისკურის, ასევე, ხობში კოლხეთის უბნის მოსახლეობას შეხვდა, მათ მაჟორიტარობის კანდიდატები წარუდგინა და საარჩევნო პროგრამა გააცნო.
მმართველი გუნდის გადაწყვეტილებით, საკრებულოს მაჟორიტარობის კანდიდატი სოფელ პირველ მაისში გოჩა ჯობავაა, ხამისკურში – ვასილ კუკავა, ხოლო ხობში – ვლადიმერ ქანთარია.
ადგილობრივ საჭიროებებზე საუბრისას მოსახლეობამ პრიორიტეტად სანიაღვრე არხების მოწესრიგება და სასოფლო გზების კეთილმოწყობა დაასახელა.