სახელმწიფო უსაფრთხოების სამსახურის ანტიკორუფციულმა სააგენტომ, შესაძლო დანაშაულის გამოვლენის მიზნით, ააიპ „ზუგდიდის მუნიციპალიტეტის კერძო სამართლის არასამეწარმეო (არაკომერციული) იურიდიული პირის, ბოტანიკური ბაღების მართვის ცენტრი“-ს საქმიანობის შესწავლა დაიწყო.
ამის შესახებ განცხადება თავად უწყებამ გაავრცელა, თუმცა განცხადებაში დეტალებზე საუბარი არაა.
აღნიშნულ საკითხთან დაკავშირებით, “Newsportal.ge” ააიპ-ის დირექტორ ზვიად ქარჩავას დაუკავშირდა, რომელმაც აღნიშნა, რომ “ბოტანიკური ბაღების მართვის ცენტრს ყველაფერი წესრიგში აქვს”. კონკრეტულ დეტალებზე არც ქარჩავა საუბრობს.