ედიშერ თოლორაიას მოთხოვნა გამგებლის თანამდებობიდან გათავისუფლების შესახებ დაკმაყოფილებულია. შესაბამისი გადაწყვეტილება მუნიციპალიტეტის საკრებულომ ცოტა ხნის წინ მიიღო. სხდომა დეპუტატებთან და საკრებულოს თავმჯდომარესთან ერთად ედიშერ თოლორაია ესწრებოდა, რომელმაც საკრებულოს შესაბამისი განცხადებით, გუშინ 9 აგვისტოს მიმართა.
ედიშერ თოლორაიას გადადგომა საპარლამენტო არჩევნებს უკავშირდება, ის ზუგდიდის მუნიციპალიტეტის მაჟორიტარობის კანდიდიატია პარტია “ქართული ოცნებიდან”. ედიშერ თოლორაია გამგებლად 2014 წლის თვითმმართველობის არჩევნებზე აირჩიეს. მანამდე კი ის გამგებლის მოვალეობას ასრულებდა.