ზუგდიდის ყოფილი მერის ლაშა გოგიას წინააღმდეგ ქრთამის აღების ფაქტზე დაწყებული გამოძიების ფარგლებში დაკავებული ზაზა ხასაია, რომელიც საქმეში ხსენებული ბიზნესმენის ზურაბ კვირკვიას დაცვის უფროსია, 5 000 ლარიანი გირაოს სანაცვლოდ გათავისუფლდა. სწორედ ეს გადაწყვეტილება მიიღო თბილსიის საქალაქო სასამართლო ხასაიასთვის აღმკვეთის ღონისძიების შეფარდების საკითხზე მსჯელობისას.
მიმდინარე გამოძიების ფარგლებში ხასაია 14 სექტემბერს დააკავეს.
შეგახსენებთ, რომ სუს-მა გამოძიება ფარული ჩანაწერების საფუძველზე დაიწყო, რომელიც ტელეკომპანია “რუსთავი 2”-მა გაასაჯაროა. ტელეკომპანიის მტკიცებით, ჩანაწერებში ნათლად ჩანს, რომ ყოფილი მერი ლაშა გოგია კორუფციული გარიგების მონაწილეა. ჩანაწერში ბიზნესმენი ზურაბ კვირკვია ლაშა გოგიას ეუბნება, რომ კონკრეტული ობიექტის ხელში ჩაგდების სანაცვლოდ მან მერს ვიცე-მერის გია გულორდავას ხელით 10 000 დოლარი გაუგზავნა.