ჩვენი ქვეყანა არის შესაძლებლობების ქვეყანა და არა გადატრიალებების და დამხობების – გიორგი გახარია

​შინაგან საქმეთა ყოფილი მინისტრის პატიმრობიდან გათავისუფლებას პრემიერ-მინისტრი, გიორგი გახარია გამოეხმაურა.

“არ მინდოდა დღეს ამ თემაზე საუბარი, მაგრამ კიდევ ერთხელ დასტურდება, რომ საერთოდ “ნაციონალური მოძრაობა” გუშინდელი დღეა. ჩვენ უნდა ვიფიქროთ ხვალინდელზე, უნდა ვიშრომოთ იმისათვის, რომ ეს ქვეყანა იყოს გამოწვევებისა და დამხობების ქვეყანა კი არა, შესაძლებლობების ქვეყანა, ახალგაზრდობისთვის. თავისუფლების პირველივე წუთებში ადამიანმა თქვა, რომ დავამხობო. დავასრულებ ან შეცვლიო – ასე კი არ უთქვამს, არამედ პირდაპირ თქვა, რომ დავამხობ ამ ხელისუფლებასო. შევთანხმდეთ, რომ ჩვენ ვიყურებით წინ, მათ დამხობის მცდელობები რამდენჯერმე ჰქონდათ, მაგრამ არ გამოუვიდათ და არც აწი გამოუვათ. ჩვენი მიზანია ხვალინდელი ძლიერი საქართველო, რომელიც შესაძლებლობების ქვეყანაა და არა გადატრიელებების”, – განაცხადა გახარიამ.

შეგახსენებთ, რომ საქართველოს ყოფილმა პრემიერ-მინისტრმა და შინაგან საქმეთა ყოფილმა მინისტრმა, ვანო მერაბიშვილმა სასჯელაღსრულების დაწესებულება დღეს დატოვა.

“წლის ბოლომდე დღევანდელი ხელისუფლების დამხობის შემდეგ, ამ ციხის კარი ყველა პოლიტპატიმარისთვის ფართოდ გაიღება”, – განაცხადა მერაბიშვილმა ე.წ. მატროსოვის ციხიდან გამოსვლის შემდეგ განაცხადა.

კომენტარები

დატოვე კომენტარი