საკოორდინაციო საბჭოზე მიღებული გადაწყვეტილებები დამატებითი შეზღუდვების შესახებ, რაც საქართველოში საქალაქთაშორისო ტრანსპორტის შეზღუდვას გულისხმობს, – ამის შესახებ უწყებათაშორისი საკოორდინაციო საბჭოს სხდომის შემდეგ საქართველოს პრემიერ-მინისტრის მრჩეველმა, ირაკლი ჩიქოვანმა განაცხადა.
მისი თქმით, ვინაიდან ქვეყანა შიდა გავრცელების ეტაპზე გადავიდა, მაქსიმალურად უნდა ვეცადოთ, რომ შიდა გავრცელების სიჩქარე შევაჩეროთ.
„ამიტომაც ვზღუდავთ ყველა სახის საქალაქთაშორისო ტრანსპორტს, მათ შორის მატარებლით სამგზავრო გადაზიდვებს და ეს შეზღუდვა დღეს დღის ბოლოს 24:00 საათზე ამოქმედდება“, – განაცხადა ირაკლი ჩიქოვანმა.