სამეგრელო-ზემო სვანეთის გუბერნატორი, ლკევან შონია, ახალი სასწვალო წლის დაწყებას სკოლის მოსწავლეებს და მასწავლებლებს ულოცავს.
„გულითადად ვულოცავ მოსწავლეებს და მასწავლებლებს წლის მნიშვნელოვანი მოვლენის დაწყებას. დღეიდან იწყება ახალი სასწავლო წელი, ცოდნის, ახალი გამოცდიელბის, ახალი მეგობრების შეძენის პროცესი. განსაკუთრებით ვულოცავ პირველკლასელებს, რომლებმაც დღეს პირველად შეაღეს სკოლის კარები. თქვენთვის ცხოვრებაში ძალინ მნიშვნელოვანი ეტაპი იწყება. მინდა თითოეულ თქვენგანს წარმატებები ვუსურვო. გახსოვდეთ, რომ ხართ ქვეყნის მომავალი და თქვენი განათლება უმნიშვნელოვანესია ჩვენი ქვეყნის განვითარებისთვის.
ხელისუფლება მოსწავლეების და მასწავლებლების გვერდით დგას. ყველა საჯარო სკოლის მოსწავლემ სახელმძღვანელოები უფასოდ მიიღო, პირველ კლასელებს გადაეცათ კომპიუტერები. მოსწავლეები უფასო სასკოლო ავტობუსებით სარგებლობენ. რეგიონის მასშტაბით, აშენდა და რეაბილიტირდა სხვადასხვა სასწავლო დაწესებულება.
კიდევ ერთხელ გილოცავთ ახალი სასწავლო წლის დაწყებას და გისურვებთ ნაყოფიერ სასწავლო წელს“, -აღნიშნულია გუბერნატორის მილოცვაში.