“ქართული ოცნების” ზუგდიდის საარჩევნო შტაბის ხელმძღვანელად პარტიის ცენტრალური და ადგილობრივი ორგანიზაციების წარმომადგენლების გადაწყვეტილებით სამეგრელო-ზემო სვანეთის გუბერნატორის მოადგილე დავით კოდუა დაინიშნა.
“Newsportal.ge”-ს ინფორმაციით, მმართველი გუნდის ცენტრალური ოფისის წარმომადგენლები პარტიის ზუგდიდის ოფისს დღეს სტუმრობდნენ და გადაწყვეტილებაც სწორედ ამ შეხვედრაზე იქნა მიღებული.
ინფორმაცია “Newsportal.ge”-ს თავად კოდუამაც დაუდასტურა, თუმცა სხვა დეტალებზე არ უსაუბრია.
შეგახსენებთ, რომ მიმდინარე წლის ოქტომბერში თვითმმართველობის არჩევნები გაიმართება.